Денсаулық сақтау жүйесін одан әрі реформалауды көздейтін, денсаулық сақтауды дамытудың «Денсаулық» мемлекеттік бағдарламасы аясында,  2018 жылдың маусым айында Ақмола облысы әкімдігінің қаулысымен облыс орталығындағы төрт медициналық ұйым: Ақмола облыстық ауруханасы, Облыстық перинаталдық орталық, Облыстық онкологиялық диспансер және Облыстық тері-венерология диспансері бір ұйымға біріктірілді. Олардың базасында өңірде пациентке бағытталған жаңа денсаулық сақтау моделін қалыптастыруға мүмкіндік берген, «Көпбейінді облыстық ауруханасы» ШЖҚ МКК (бұдан әрі — КОА) медициналық ұйымы құрылды. Көпбейінді облыстық аурухананың директоры лауазымына  Нұрлан Каирұлы Жаров  тағайындалды.

Ақмола облысы денсаулық сақтау басқармасының жанындағы «Көпбейінді облыстық ауруханасы» ШЖҚ МКК Көкшетау қаласында орналасқан және Көкшетау қаласының, Ақмола, Солтүстік Қазақстан облыстары өңірінің тұрғындарына мамандандырылған және жоғары мамандандырылған медициналық көмек көрсетеді, сондай-ақ жоғары медициналық колледждің  және Ш.Уәлиханов атындағы университеттің медицина факультетінің клиникалық базасы болып табылады.

Көпбейінді облыстық ауруханада 28 клиникалық бөлімше жұмыс істейді, олардың ішінде 9 — хирургиялық, 9 — терапевтік, 4 — акушерлік-гинекологиялық, 5 — онкологиялық және 1 — дерматовенерологиялық бейін. Барлығы 725 тәулік бойы жұмыс істейтін төсек және 130 күндізгі стационар төсегі бар. Жыл сайын Ақмола облысының 28 мыңнан астам тұрғыны тәулік бойы жұмыс істейтін стационарда мамандандырылған және жоғары технологиялық медициналық көмек алады, ал 50 мыңнан астам тұрғын емханада кеңестік-диагностикалық көмек алады. Ауруханада клиникалық-диагностикалық және биохимиялық зертханалар, рентген, УДЗ және эндоскопиялық кабинеттер, заманауи диагностикалық жабдықтармен жабдықталған компьютерлік диагностика кабинеті жұмыс істейді.

2020 жылы COVID-19 пандемиясының басталуымен, Көпбейінді облыстық аурухана  дерматовенерологиялық диспансер базасында – 100 төсек, Көкшетау жоғары медициналық колледжінің жатақханасы базасында – 355 төсек (карантиндік – 255, провизорлық – 100)карантиндік, провизорлық және инфекциялық стационарларды жедел түрдеұйымдастырды. 2020–2021 жылдары 2852 пациент емделді. Облыстық ауруханадағы аталған бөлімшелерді ұйымдастыру пациенттерді емдеуде мультидисциплинарлық тәсілді қолдануға мүмкіндік берді, бұл күрделі эпидемиологиялық жағдайда пациенттерді неғұрлым тиімді емдеуді қамтамасыз етті.

Бүгінде Көпбейінді облыстық аурухананың кадрлық ресурстары 1428 қызметкерден тұрады, оның ішінде дәрігерлер – 265. Олардың  151-і біліктілік санатына ие: жоғары санатты – 111 (42%), бірінші санатты – 25 (9,4%), екінші санатты – 15 (5,6%). Санаттылық деңгейі – 56,9%.

Бізде жоғары мамандандырылған медициналық көмекті (ЖММК) дамыту үшін техникалық жарақтандыру, кадрлық потециал  толық қамтамасыз етілген. Біздің ауруханада ЖММК енгізілуі өңір тұрғындарына бұрын тек ғылыми-зерттеу институттарында және ұлттық орталықтарда жасалатын операцияларды қолжетімді етті.

Көпбейінді облыстық ауруханада жоғары технологиялық медициналық қызмет (ЖТМҚ) пен ЖММК сегіз мамандық бойынша көрсетіледі: кардиохирургия, травматология және ортопедия, нейрохирургия, кардиоинтервенциялық диагностика және емдеу, урология, хирургия, ангиохирургия және онкология.

Аурухананың жұмысы науқастарды қабылдау және бастапқы жағдайын бағалау функциясын атқаратын шұғыл көмек көрсету бөлімшесінен басталады. Көпбейінді облыстық ауруханада шұғыл медициналық көмек бөлімшесі ТРИАЖ жүйесі бойынша пациенттерді шұғыл, жоспарлы және өздігінен келген деп үш санатқа бөлу арқылы  жұмыс істейді.  Дәрігердің бастапқы қарау кезіндегі міндеті — пациенттің санатын нақты анықтап, оны дұрыс бағыттауды қамтамасыз ету.

Мұндай жүйе әлемнің көптеген елдерінде тиімді жұмыс істейді, онда бастапқы қабылдау кезінде бірнеше көмек көрсету ағыны қарастырылған. Қызыл ағын – көмек дереу көрсетілуі тиіс пациенттер; сары ағын – шұғыл, бірақ дәрігерлерде көмек көрсетуге уақыт бар; жасыл ағын – пациент қабылданып, қызмет көрсетіледі, қажет болса жоспарлы түрде стационарға жатқызылады.

Ауруханамыздағы инсульт орталығы — ми қан айналымының жіті бұзылуы бар науқастарға көмек көрсету бойынша «Жол картасы» бағдарламасы аясындағы аймақтық деңгейдегі үшінші деңгей болып табылады, мұнда инсультпен ауыратын науқастарға жоғары мамандандырылған медициналық көмек көрсетіледі. Орталық 20 төсекке есептелген және заманауи 64 кескінді компьютерлік томографпен жабдықталған, бұл диагнозды жедел және дәл анықтауға мүмкіндік береді. Бөлімшеде тәжірибелі невропатологтар, нейрохирургтар және қалпына келтіру мамандары жұмыс істейді. Жағдайы тұрақталғаннан кейін науқастар нейрореабилитация бөлімшесіне жіберіліп, қалпына келтіру емін мультидисциплинарлық принцип бойынша жалғастырады. Инсульт орталығының жұмысы уақытылы тромболитикалық терапияны және қажет болған жағдайда тромбоэкстракцияны қамтамасыз етеді, бұл инсульттан болатын өлім-жітім мен мүгедектік деңгейін едәуір төмендетеді.

Жоғары технологиялық медициналық көмек Көкшетау қаласының тұрғындарына және Ақмола, Солтүстік Қазақстан облыстарының іргелес аудандарының халқына қолжетімді, бұл патологиясы бар науқастардың өмір сапасын арттырып, қалпына келу мүмкіндіктерін кеңейтеді.

Аурухананың барлық кардиологиялық қызметі «Жүрек орталығы» кешеніне біріктірілген. Орталықта кардиохирургиялық, кардиологиялық және реабилитациялық бөлімшелер ашылған, жеке қабылдау бөлімшесі, рентген-эндоваскулярлық хирургия кабинеті, операциялық блок, анестезиологиялық қызмет және реанимациялық палата қызмет көрсетеді. «Жүрек орталығында» әр түрлі генезді тамыр патологиясы бар науқастарға консервативтік және оперативтік ем жүргізіледі – ИБС, атеросклероз, артериальдық гипертензия, жүректің туа біткен және жүре пайда болған ақауларын емдеу, кардиохирургиялық операциялар: аортокоронарлық шунттау, күрделі операциялар (АКШ + МК пластика, ЛЖ пластика), клапандарды протездеу (митралдық, аорталық), ВПС түзетуші операциялары (ДМПП, ДМЖП пластикасы) жасалады.

Перинаталдық орталық жүкті әйелдерге, босану кезінде және босанғаннан кейін, гинекологиялық науқастарға, жаңа туған және жетілмеген балаларға білікті және мамандандырылған медициналық көмек көрсетеді; медициналық колледждің клиникалық базасы болып табылады. Бүгінде перинаталдық орталық – заманауи медициналық технологиялар қолданылатын мекеме.

Акушерлік бөлімшеде – бұл отбасылық қатысуды қамтамасыз ететін босанулар, физиологиялық процесске барынша жақындату, негізсіз ерте амниотомиядан бас тарту, позициялық терапияны қолдану және жергілікті анестезия әдістерін енгізу жүргізіледі. Неонатологияда – жетілмеген балаларды, оның ішінде төмен және өте төмен салмақтағы балаларды күтуге арналған заманауи технологияларды қолдану, сурфактант препаратын пайдалану, сүтпен тамақтандыру саясатын кезең-кезеңімен жүргізу. Гинекологияда – заманауи хирургиялық жолдармен операциялар: лапароскопиялық операциялар жүргізіледі.

Орталық заманауи медициналық жабдықтармен қамтамасыз етілген, бұл ана мен ұрықтың жағдайын мониторингтеуге, анестезиологиялық-тыныс алу, лапароскопиялық, реанимациялық, ультрадыбыстық және рентгендік аппаратураны қолдануға мүмкіндік береді.

Біздің зертхана EQASБиоРат Халықаралық сапа бақылауына «Клиникалық химия», «Гематологиялық бақылау», «Иммунохимия»  бағдарламалары бойынша қатысады. Зертхананың әлеуеті қала мен облыс бойынша барлық емдеу мекемелерінің күрделі биохимиялық талдаулар, гормондар, онкомаркерлер және дәрі-дәрмек мониторингі қажеттіліктерін қанағаттандыруға мүмкіндік береді. Қазіргі уақытта бактериологиялық зертхананы ашу жоспарлануда.

2024 жылғы 12 тамыздан бастап Ұрықты қорғау орталығы базасында «Бір күндік клиника» пилоттық жобасы іске қосылды, онда жүкті әйелдер бір күнде барлық пренаталдық диагностика түрлерінен өтіп, зерттеу нәтижелерін жылдам және дәл ала алады: 11-13 апта 6 күн мерзімінде эксперттік сыныптағы УДЗ аппаратарында I скрининг жүргізіледі, хромосомалық аномалияларды тексеру үшін тамырдан қан алынады, биохимиялық маркерлерді автоматты биохимиялық талдағыш BRAHMS CRYPTOR компакт PLUS (Thermo Fisher Scientific өндірісі) арқылы анықтау жүзеге асырылады, ол 30-40 минут ішінде балада тұқым қуалайтын патологиялардың туу қаупін бағалайтын нәтиже береді; жоғары тәуекел анықталған жағдайда жүкті әйел сол күні генетик кеңесіне жүгіне алады. Жаңа тәсіл патологияларды ерте кезеңде анықтауға және бір күн ішінде ұрықтың өмірі мен денсаулығына қатысты ең дәл болжам алуға мүмкіндік береді.

2025 жылғы наурыз айынан бастап КОА ПО базасында күрделі және ауыр жағдайларда нақты уақыт режимінде оперативтік және басқарушылық шешімдер қабылдау үшін Ахуалдық орталық жұмыс істейді. Сандық мониторинг және бақылау туындаған мәселелерді қадағалауға және уақытылы жауап беруге мүмкіндік береді.

Ақмола облысының онкологиялық қызметі өзінің жұмысын 1956 жылғы 21 мамырда бастады. Қазіргі таңда КОА құрамындағы онкологиялық орталықта 150 төсек тәулік бойы жұмыс істейтін стационарға және 35 төсек күндізгі стационарға арналған.

Жүргізілген күрделі жөндеуден кейін орталықтың материалдық-техникалық базасы едәуір нығайтылып, науқастар үшін жағдай жақсарған және диагностика мен емдеу мүмкіндіктері кеңейген.

Онкологиялық орталық:

• видеоэндоскопиялық стендтер гастро- және колоноскоптармен; бронхоскоптар;
• 64 кесінділі компьютерлік томограф;
• 1,5 Т МРТ аппараты;
• эксперттік сыныптағы УДЗ аппараттары;
• телепатология және иммуногистохимиялық (ИГХ) зерттеу жабдықтары сияқты заманауи жабдықтармен қамтамасыз етілген.

Операциялық блокта эндовидеохирургиялық кешен және заманауи анестезиологиялық-тыныс алу аппаратурасы орнатылған.

Орталықта дәрілік заттарды орталықтандырылған түрде бөлуге арналған госпитальдық бөлімше ұйымдастырылған.

Барлық заманауи дәрілік терапия түрлері енгізілген: полихимиотерапия, мақсатты терапия және иммунотерапия.
            Онкоорталық мамандары ұзақ мерзімді химиотерапияға арналған порт-жүйелерді орнатуды меңгерген.
            Жыл сайын шамамен 1000 операция жүргізіледі, соның ішінде кеуде қуысы мен іш қуысының мүшелеріне, урологиялық, гинекологиялық және ЛОР-онкопатологияға жасалатын араласулар бар.

Онкоорталықтың құрамында ауысым сайын 150 қабылдауға арналған онкологиялық емхана жұмыс істейді, ол келесі қызметтерге арналған:

• қатерлі жаңа түзілімдерге күдіктенген науқастарға консультативтік-диагностикалық көмек көрсету;
• диспансерлік есепте тұрған науқастарды бақылау.

Емхана төрт қабатты, жертөлесі бар және стационарға өтпелі жол арқылы қосылған. Оның құрылымында:

• онколог, маммолог, гинеколог, уролог және ЛОР дәрігер кабинеттері;
• УДЗ және функционалдық диагностика кабинеттері;
• шағын операциялық блок;
• зертханалар;
• КТ және МРТ кабинеттері;
• амбулаторлық химиотерапия кабинеті, онда науқастар госпитализациясыз дәрілік емдік курстар алады.

2025 жылдан бастап емхана базасында заманауи эндоскопиялық жабдықтармен қамтамасыз етілген эндоскопиялық эксперттік орталық жұмыс істейді.
            Онкологиялық емхана  қабылдау көрсеткіштерінің тұрақты өсуін көрсетуде:

• 2023 жылы: 27 801 келушілер
• 2024 жылы: 31 236 келушілер (+12,4%)

Дерматовенерология бөлімшесінде 35 төсек және 20 күндізгі стационар бар, сондай-ақ емхана бөлімшесі ауысым сайын 150 қабылдауға арналған және зертхана, қабылдау бөлімшесі мен физиокабинет жұмыс істейді. Қызмет консультативтік қабылдау жүргізеді, науқастарды диспансерлік бақылауда ұстайды және пациенттерге мамандандырылған ем көрсетеді.

Біздің ұйымда жыл сайын шамамен 30 жаңа медициналық технология енгізіліп, 350-ден астам жоғары технологиялық оперативтік араласулар жүргізіледі. Бұл біздің медициналық көмек көрсету тиімділігін арттыруға бағытталған инновациялар мен даму жолындағы тұрақты талпынысымыздың дәлелі. Біз ғылым мен тәжірибенің заманауи жетістіктерін белсенді енгіземіз, бұл науқастарға ең жоғары деңгейде ем алу мүмкіндігін береді. 2022 жылдан бастап біздің ұйым бариатриялық операцияларды енгізіп, белсенді жүргізе бастады, бұл медициналық қызмет сапасын жақсартуға бағытталған маңызды және стратегиялық қадам болды.

Бұл тәсіл ұзақ уақыттан бері қазіргі заманғы денсаулық сақтаудың ең қиын және көп қырлы мәселелерінің бірі болып саналатын, ауыр семіздіктің күрделі формаларын тиімді емдеуге жаңа мүмкіндіктер ашады. Сонымен қатар, ауруханада жыл сайын орта есеппен 8-ден 10-ға дейін шеберлік сабақтары өткізіледі, онда медицина саласының әртүрлі салаларындағы үздік мамандар мен сарапшылар тәжірибе алмасады. Бұл іс-шаралар біздің медициналық қызметкерлерге тәжірибе алмасуға, жаңа диагностикалық және емдеу әдістерін меңгеруге, сондай-ақ озық тәжірибелерді күнделікті жұмысқа енгізуге мүмкіндік береді.

КОА негізгі стационар базасында госпитальдық фармация бөлімі ашылды – бұл инновациялық бөлім, оның негізгі мақсаты дәрілік терапияны жекелендірілген, пациентке бағытталған жүйеде тиімді басқаруды қамтамасыз ету. Аурухана үздіксіз жетілдіріледі, медициналық көмек көрсету сапасы мен қауіпсіздігінің жоғары стандарттарына ұмтылады. 2022 жылғы қарашада КОА сыртқы бағалаудан сәтті өтіп, ұлттық аккредитациялық стандарттарға сәйкес келетіндігі расталып, үш жылға бірінші санатқа ие болды.

Мемлекеттік-жекеменшік әріптестік пилоттық жобасының жұмыс тобының мүшесі Н.К.Жаровтың  қатысуымен,  Көкшетау қаласында 630 төсекке арналған жаңа көпбейінді облыстық аурухананың құрылысы жобасы әзірленді. Бұл ауқымды жоба «Сарыарқа» шағын ауданындағы 17 гектарлық жер учаскесінде жоспарланған. Жобаның жобалау және құрылыс мақсаты – Солтүстік өңірде халықаралық деңгейдегі аурухананы құру, өңірдің денсаулық сақтау жүйесін жетілдіруге және тұрғындарға заманауи медициналық қызметтер көрсетуге бағытталған.

Көпбейінді облыстық аурухана әкімшілігі мамандардың кәсіби дамуына ерекше көңіл бөледі, оларға еңбек жағдайына бейімделуге, өз мамандығын меңгеруге, белсенділік пен бастамашылдықты дамытуға қолдау көрсетеді. Ұжымдық келісімшартта мамандарды Қазақстанда және шетелде оқыту қарастырылған. Жаңа мамандарды жұмысқа қабылдау кезінде толық әлеуметтік пакет қамтамасыз етіледі.

Осындай қарқынды қызмет қазіргі заманғы денсаулық сақтау сын-қатерлеріне дайын кәсіби команда құруға ықпал етеді. Біз ауруханамыздың үздік тәжірибе орталығы болып, пациенттеріміздің әл-ауқаты үшін үздіксіз жетілуімен мақтанамыз. Осы үздіксіз даму барысындағы біздің миссиямыз  — халыққа жоғары интеллектуалды капиталға, заманауи жабдықтар және инновациялық технологияларға негізделген мамандандырылған және жоғары технологиялық қолжетімді медициналық көмекті қамтамасыз ету.

2022 жылдың III тоқсанына сауалнама пациенттердің қанағаттану деңгейін зерттеу

2022 жылдың II тоқсанына сауалнама пациенттердің қанағаттану деңгейін зерттеу

КОА жарғысы

Гигиеналық оқыту бойынша қызмет

КОА ЛИЦЕНЗИЯСЫ

Иондаушы заттарға лицензия

Радиоактивті заттарға лицензия

Есірткіге  лицензия

КОА мемлекеттік тіркеу туралы куәлік

Фарм.лицензия

ИНФОГРАФИКА

ДОП РОЛИКИ

ОПИСАНИЕ к роликам

РОЛИКИ_TV

ПОСТЕРЫ

ТЕЗИСЫ

БК туралы ереже

БК жұмыс жоспары

БК хатшысы туралы ереже

Коммерциялық құпия​ 

Корпоративтік басқару кодексі 

Ішкі құжаттардың жіктеуіші​ 

Іскерлік этика кодексі​ 

БК жұмыс жоспары 

БК хатшысы туралы ереже ​ 

Ақпараттық саясат туралы ереже 

Ішкі жинақтау ережесі 

График приема посетителей